ဗိုလ်ချုပ်အောင်ဆန်းကို သတ်တာ ဘာသူလဲ

"ဦးစောက အောင်ဆန်းကို သတ်တာ မဟုတ်ဘူး။ ဒါကို ငါလည်း သိတယ်။ မင်းတို့ ဗြိတိသျှတွေလည်း သိတယ်။ ဘာဖြစ်လို့လဲဆိုတော့ မင်းတို့က အဲဒီလုပ်ကြံမှုရဲ့ နောက်ကွယ်မှာ ရှိနေလို့ပဲ.."။

(၁၉၄၇ စက်တင်ဘာလအတွင်း သခင်သန်းထွန်း (ဗိုလ်ချုပ် မယား ညီအကို) က ရန်ကုန် ဆူးလေ ဘုရားလမ်းရှိ အရှေ့အာရှ တလွှား အလျားအရှည်ဆုံး အရက်ဘား ဟု အဲ့ခေတ်တုန်းက နာမည် ကြီးတဲ့ အရာရှိများကလပ်မှာ ဗြိတိသျှ လူငယ် စစ်ဗိုလ် အန်တိုနီ စတိုနာကို ချဲတဲ့ စကား..)

ဗိုလ်ချုပ်တို့ လုပ်ကြံခံရမှုမှာ ဗြိတိသျှရဲ့ နောက်ကွယ်က ပါဝင်ပတ်သက်၊ ကြိုးကိုင်မှု ရှိ/ မရှိ သုံးသပ် ချက်တွေကို ဗြိတိသျှ နိုင်ငံခြားရေးဌာနက ဆက်စပ်တဲ့ လျှို့ဝှက် မှတ်တမ်းတွေ ထုတ်ခွင့်ရတဲ့ အချိန် ကာလရောက်မှ  မှတ်တမ်းရုပ်ရှင် အဖြစ် ပေါ်ထွက်လာခဲ့တဲ့ ဘီဘီစီရဲ့ ရုပ်မြင်သံကြား အစီအစဉ် "အောင်ဆန်းကို တကယ် ဘယ်သူသတ်သလဲ.. (Who Really Killed Aung San?, BBC Documentary Programme, 1997)" အပါအဝင် ဦးခင်အောင်ရဲ့ "အောင်ဆန်းကို ဘယ်သူ သတ် သလဲ" (Who Killed Aung San?, 1993) စာအုပ်လိုနဲ့ အခြား သမိုင်းစာအုပ်တွေမှ တဆင့် သိခွင့်ရလို့ လူအများ စဉ်းစားဆင်ခြင် နိုင်ကြတယ်လို့ ယူဆရတယ်..။

ဒီရှုပ်ထွေး နက်နဲပြီး အရုပ်ဆိုးလှတဲ့ နိုင်ငံရေး လုပ်ကြံမှုကြီးရဲ့ အခြားနောက်ခံ ကွင်းဆက် ဖြစ်တဲ့ စစ်တပ်၊ အထူးသဖြင့် ဗိုလ်နေဝင်းရဲ့ လက်ချက်မကင်းပုံတွေကိုလည်း အထက်မှာ ဆိုခဲ့တဲ့ အစီ အစဉ်နဲ့ စာအုပ်မှာ တစွန်းတစ တွေ့နိုင်၊ မြင်နိုင်၊ စဉ်းစားသုံးသပ် နိုင်ပေမယ့် လူတွေအကြား၊ အထူး သဖြင့် လူငယ်တွေအကြား သိပ်သတိမထားမိကြဘူးလို့ ထင်တယ်။ 

 

ကြေးမုံဦးသောင်းရဲ့ စာအုပ်တွေ ဖတ်ရင် ဗိုလ်နေဝင်းဟာ ဂျပန်မှာ စစ်ပညာသင်စဉ်ကာလက စပြီး နောက်ပိုင်း တလျှောက်လုံး စစ်တပ်ရာထူး အထွပ်အထိပ်ကို ရောက်နိုင်ဖို့ အမျိုးမျိုးကြံစည် လုပ် ဆောင်ခဲ့ပုံတွေကို သိနိုင်တယ်။

အခြား သမိုင်းနောက်ခံ စာအုပ်တွေဖြစ်တဲ့ သိန်းဖေမြင့်တို့၊ သခင်တင်မြတို့ စာတွေမှာလည်း ဗိုလ်နေ ဝင်း ဂျပန်ခေတ်မှာ ဗိုလ်မောင်မောင်၊ ဗိုလ်အောင်ကြီးတို့နဲ့ ဆရာမွေး၊ တပည့်မွေး လုပ်ကြပြီး မြေ အောက်တော်လှန်ရေး ဦးဆောင်နေတဲ့ သခင်စိုးနဲ့ သွားတွေ့၊ ညှိ၊  ဂျပန် လက်နက်ကိုင် တော်လှန်ရေး စလုပ်ဖို့ ဆွေးနွေးခဲ့တာတွေ၊ သခင်စိုးက သူတို့ စစ်တပ်ကလူချင်း အာဏာလုပွဲမှာ ငါက ဘာလို့ ခေါင်း ခံရမလဲဆိုပြီး ငြင်းလွှတ်လိုက်တာတွေ စတဲ့ ဗိုလ်နေဝင်ရဲ့ အထက်ကို ဖြတ်လမ်းက ရောက်ဖို့ ကြံခဲ့တဲ့ ကလိမ်ဉာဏ်တွေကို သိနိုင်တယ်။ 

ဂျပန်တော်လှန်ရေး တကယ်စတော့လည်း ဗိုလ်နေဝင်းဟာ သူတာဝန်ကျတဲ့ ဒေသမှာ မနေဘဲ ရန်ကုန် မှာ ဂျပန်ဆုတ်တဲ့ သတင်းကြားတော့ ရန်ကုန်ကို အမိန့်မရဘဲ သွား၊ သူတကယ် မပါခဲ့ဘဲနဲ့ ခပ်တည် တည်နဲ့ သူဦးဆောင်တဲ့ ဗမာ့တပ်မတော်က ရန်ကုန်ကို သိမ်းလိုက်ပြီဖြစ်ကြောင်း သူ့လက်မှတ်နဲ့ စာ ထုတ်၊ မြန်မာ့အသံမှာ လွှင့် စတာတွေ လုပ်ပြီး ဝင်လာတော့မယ့် ဗြိတိသျှကို သူဟာ ဗမာစစ်တပ် ခေါင်းဆောင်ဖြစ်ကြောင်း သက်သေပြုနိုင်ဖို့ လုပ်ခဲ့တယ်။ သခင်စိုးတောင် မျက် စေ့ မလည်ခဲ့တဲ့ အကွက်ကို လူပါးတွေဖြစ်တဲ့ ဗြိတိသျှ တွေကလည်း ပိုနားလည်တဲ့အတွက် နောက် ပိုင်း တွေ့ဆုံ ဆွေးနွေး ညှိနှိုင်းမှုတွေကို ဗိုလ်ချုပ်နဲ့သာ လုပ်ခဲ့တယ်။

ဂျပန်တော်လှန်ရေးအတွက် နောက်ဆုံး ဗိုလ်ချုပ်အိမ်မှာ ဆွေးနွေးကြတော့ ဗိုလ်ချုပ်က ဗိုလ် နေဝင်းကို မယုံကြည်တဲ့အတွက် တာဝန်တွေကို လျှော့ချပစ်ခဲ့တယ်။ မယုံကြည်နိုင်လောက်တဲ့ အကြောင်းတွေကလည်း ရှိခဲ့တယ်။ ဗိုလ်နေဝင်းဟာ စစ်ကြို အင်္ဂလိပ်ခေတ် ကောလိပ်ကျောင်းသား ဘဝနဲ့ နောက်ပိုင်း စာတိုက်စာရေး ဘဝတွေမှာ အပျော်အပါး လောင်းကစားကြောင့် အမြဲ ငွေလိုနေတဲ့ အတွက် အင်္ဂလိပ်အစိုးရရဲ့ သတင်းပေး လုပ်ပေးဖူးခဲ့တယ်ဆိုတဲ့ သံသယ အကြောင်းတွေ ရှိတယ်။ ဒါ့အပြင် ဂျပန်ခေတ်ရောက်တော့ အထက်မှာဆိုသလို ရာထူးလိုချင်တာကြောင့်ပါ ဂျပန်တွေနဲ့ ပလူး ပလဲ နေခဲ့တယ်။ ဗိုလ်နေဝင်း သိနေတဲ့ အင်္ဂလိပ်ဘက်က ချန်ခဲ့တဲ့ သူလျှိုတွေ ဂျပန် ဖမ်းပြီး အသတ်ခံ ခဲ့ရဖူးတဲ့ သာဓကတွေ ရှိတော့ အားလုံးက ဗိုလ်နေဝင်း ဂျပန်သတင်းပေးလည်း လုပ်နေပြီလားဆိုပြီး ဂျပန်တော်လှန်ရေး စမယ့်အချိန်မှာ သံသယနဲ့ ကြောက်နေတယ်။ သို့သော် ဗိုလ်ချုပ်က သူလျှိုမှုနဲ့ ပတ်သက်ပြီးတော့ တိတိကျကျ အရေးယူတာမျိုးတော့ မရှိခဲ့ဘူး။ 

ဗိုလ်ချုပ်က ဗိုလ်နေဝင်းကို ဟိုင်နန်မှာကတည်းက အသက်အရွယ်အရရယ်၊ တဘက်ဂိုဏ်း (သခင် ဗစိန်- ထွန်းအုပ် ဒို့ဗမာအစည်းအရုံး) က သူလည်း ဖြစ်တဲ့ အတွက် ညီညွတ်မှု ပြချင်တာရယ် အပြင် သူရဲ့ ဥာဏ်ကောင်း၊ ထက်မြက်၊ အထက်လူကြီး ခိုင်းရင် ဖင်ပေါ့ သွက်လက် လုပ်ပေးတတ်တဲ့ အကျင့်ကြောင့် မျက်နှာသာ ပေးခဲ့တယ်။

ဒါပေမယ့် ရဲဘော် သုံးကျိပ်မှာ အထက်အောက် အဆင့်အရ သူအထက်မှာ ပိတ်ခံနေတဲ့ သူတွေ အများကြီးဆိုတာ သိတဲ့အပြင်၊ သူရဲ့ နိုင်ငံရေး အရည်အချင်း မရှိမှု၊ နောက်ခံ သမိုင်း မကောင်းမှုတွေကြောင့် ထိပ်ဆုံး မရောက်နိုင်ဘူးဆိုတာကို ဗိုလ်နေဝင်းက အဲ့ဒီ အချိန်ကတည်းက ကောင်းကောင်းနားလည်ထားပြီး ဖြစ်တဲ့အတွက် မကျေမနပ် ဖြစ်နေကာ  ထိပ်ကို လှမ်းနိုင်ဖို့ အောက် လမ်းနည်းအမျိုးမျိုးနဲ့ အမြဲ ကြံစည်ခဲ့တယ်။

ရဲဘော် သုံးကျိပ်မှာ စစ်ခေါင်းဆောင် အနေနဲ့ ဗိုလ်ချုပ်၊ နိုင်ငံရေး ခေါင်းဆောင် အနေနဲ့ သခင်ထွန်းအုပ်၊ ဒုတိယ စစ်ခေါင်းဆောင် အနေနဲ့ ဗိုလ်လင်္ကျာ (သခင်လှဖေ)၊ နောက်စစ်ခေါင်းဆောင် တွေအဖြစ် ဗိုလ်ဇေယျ (သခင် လှမောင်)၊ ဗိုလ်စကြ်ာ (သခင်အောင်သန်း၊ သခင် ဗစိန်- ထွန်းအုပ် ဂိုဏ်း) တို့ဟာ ဗိုလ်နေဝင်းရဲ့ အထက်အဆင့်အနေနဲ့ ရှိခဲ့တယ်။

ဘီအိုင်အေတပ် ယိုးဒယားကနေ ဗမာပြည်ကို စဝင်တော့ သူ့ကို ရှေ့ပြေး တပ်အဖြစ်နဲ့ လျှို့ ဝှက် မြေအောက် အဖျက်လုပ်ငန်းတွေ လုပ်ဖို့ လွှတ်လိုက်တယ်။ ဒါပေမယ့် ဘာမှ မယ်မယ်ရရ မလုပ် ဘဲ ရန်ကုန်မှာ မြေအောင်လှုပ်ရှားနေတဲ့ နိုင်ငံရေးသမားတွေဆီ သွားပြီး ပုန်းနေခဲ့တယ်။

ယိုးဒယားမှာ ရဲဘော်သုံးကျိပ် လက်မောင်းသွေးဖောက်သောက် သစ္စာကတိပြုကြတော့ ဗိုလ် နေဝင်းက ဖာအိမ်ရောက်နေလို့ မပါခဲ့ဘူးလို့ အတည်မပြုနိုင်တဲ့ ဆိုရိုးရှိတယ်။

[ ဒါကြောင့် ၁၉၄၈ လွတ်လပ်ရေး ရပြီး တပ်တချို့ တောခိုတော့ အစ ဗိုလ်နေဝင်းက စစ်တပ် ကို ဦးဆောင်ပြီး တောခိုမယ်၊ ဦးသိန်းဖေမြင့်က နိုင်ငံရေး ခေါင်းဆောင် အနေနဲ့ တောခိုမယ်ဆိုတဲ့ အကြံအစည်ကို ဗိုလ်နေဝင်း ကတိသစ္စာ ဖျက်ခဲ့တာဟာ လက်မောင်းသွေး မသောက်ခဲ့လို့ဆိုပြီး အဆို ရှိတယ်။ ရိုးတဲ့ ဗိုလ်ဇေယျာကတော့ တောထဲပါသွားခဲ့တယ်..။ ]

ဦးသိန်းဖေမြင့်ကို အဲ့အချိန်မှာ သူ့သူငယ်ချင်း ဦးကျော်ငြိမ်းက တောမခိုစေချင်လို့ နေအိမ်ကို ထမင်းစား ဖိတ်ပြီး ထောင်ထဲ ထည့်ထားလိုက်တယ်။ ဗိုလ်နေဝင်း လိုက်မသွားတာကတော့ တောခိုတဲ့ အဖွဲ့အစည်းတွေ အနေနဲ့ အာဏာရဖို့က မသေချာတာရယ်၊ လက်ကိုင်ကိုင် ရောင်စုံ အဖွဲ့အစည်းတွေ တောခိုနေပြီးဖြစ်လို့ အရူးမီးဝိုင်းသလို ဖြစ်နေတဲ့ ဦးနု အစိုးရကို စစ်တပ် ခေါင်းဆောင် အနေနဲ့ အကြပ် ကိုင် ရာထူးတောင်းတာက ပိုသေချာတဲ့အတွက်လို့ ယူဆရတယ်။ တကယ်လည်း ရာထူးရခဲ့တယ်။ တကယ် တိုက်ပေးရတာကတော့ နာမည်ကျော် ဗိုလ်မှုးချုပ် ကျော်ဇောပဲ ဖြစ်တယ်။ ဗိုလ်မှုးချုပ် ကျော် ဇောက ကိုယ်တိုင်ဦးဆောင်ပြီး ရန်ကုန်အစိုးရလို့ နိုင်ငံတကာမှာ လူအဟားခံ ဖြစ်နေရတဲ့ အခြေအနေ ကနေ နိုင်အောင် တိုက်နိုင်ခဲ့တယ်။

[ ဗိုလ်မှုးချုပ်ကျော်ဇော ကိုယ်တိုင်လည်း အဲ့တုန်းကတော့ ကရင်ကို တိုက်ရတာ နယ်ချဲ့ ပယောဂကြောင့် ဆိုပြီး မှန်တယ်လို့ ယူဆဖူးတဲ့အကြောင်း သူ့ကိုယ်တိုင်ရေး စာအုပ်မှာ ဝန်ခံဖူး တယ်။  စကားမစပ်- ဗိုလ်မှုးချုပ် ကျော်ဇော အကြောင်းကို သူကိုယ်တိုင် ရေးတာအပြင် ဦးလွင်၊ ဦး တင်ဦးတို့ ပြောတာတွေကကို လူငယ်တွေ ရှာပြီး ဖတ်စေချင်တယ်။ တကယ့် စစ်သားကောင်းကြီး အကြောင်းကို သိရမယ်။ ]

ဂျပန်ခေတ် တလျောက်လုံး ဗိုလ်နေဝင်းရဲ့ စစ်တပ်ရာထူးဟာ သူရဲ့ လောင်းကစား ဝါသနာ၊ မိန်းမ လိုက်စားမှုစတဲ့ အကျင့်စာရိတ္တပိုင်းဆိုင်ရာ အားနည်းမှုတွေကြောင့် ဗိုလ်ချုပ်ရဲ့ အမြဲ ရာထူးချ လိုက်၊ တက်ပေးလိုက် လုပ်ခြင်းခံရတယ်။ ဗိုလ်ချုပ်က ဗိုလ်နေဝင်း မကောင်းမှန်းသိပေမယ့် အ ကြောင်းကြောင်းကို ထောက်ထားပြီး အတတ်နိုင်ဆုံး သက်ညှာစဉ်းစားပေးခဲ့တယ်..။

ဒီအားနည်းချက်မျိုး ဦးနုမှာလည်း ရှိခဲ့တယ်။ ဗိုလ်နေဝင်း လင်ကြီး ငုတ်တုတ်ရှိတဲ့ ဒေါ်ခင်မေ သန်းကိုယူတော့ ဒါဟာ တရားဥပဒေ အရကေ၊ လူမှု ကျင့်ဝတ်အရပါ လက်ခံနိုင်စရာ မရှိတဲ့အတွက် အင်မတန် ဘာသာတရား ကိုင်းရှိုင်း၊ အကျင့်သီလ စင်ကြယ်တဲ့ ဦးနုက စစချင်းမှာ လုံးလုံး သည်းမခံ ဘဲနဲ့ ဗိုလ်နေဝင်းကို ရာထူးက အနားပေးဖို့ ဆုံးဖြစ်ခဲ့တယ်။ ဒါကို ဗိုလ်နေဝင်းကြားတော့ ဆိုရှယ်လစ် ခေါင်းဆောင်တွေက တဆင့် ဦးနုကို ရှိခိုးမတတ် တောင်းပန် ဦးညွှတ်၊ မှားမိကြောင်း ဝန်ခံတယ်။ ကျန်တဲ့ သူတွေကိုလည်း ဦးနုကို ဖြောင်းဖျ ပေးဖို့ လိုက်တောင်းပန်တယ်။ ဒါနဲ့ပဲ  ဦးနုရဲ့ ဗိုလ်နေဝင်းကို ဖြုတ်ရေး အစီအစဉ် အကောင်အထည် မပေါ်ခဲ့ဘူး။ ဗမာပြည် ကံဆိုးခဲ့တဲ့ အကြောင်းတချက်လို့ တောင် ဆိုနိုင်တယ်။

ဒုတိယ ကမ္ဘာစစ်အပြီး ကန္ဒီစာချုပ်၊ လင်္ကျာ- ဖရီးမင်းတို့ အရ ဖွဲ့စည်းခဲ့တဲ့ ခေတ်သစ် ဗမာ့ တပ်မတော် ရာထူးအဆင့်မှာလည်း ဗိုလ်ချုပ် တပ်ကနေ အနားယူသွားပြီ ဖြစ်တဲ့အပြင် ဗိုလ်ဇေယျ (ကြည်း ၃၅၀၃) ထက် အမှတ်စဉ် တဆင်ြ့မင့်တဲ့ (ကြည်း ၃၅၀၂) အမှတ်စဉ်ကို အကြောင်း အမျိုးမျိုးကြောင့် အရယူနိုင်ခဲ့ပေခဲ့ အထက်မှာ ဗိုလ်လင်္ကျာ (ကြည်း ၃၅၀၁) အပြင် အခြား အင်္ဂလိပ် တပ်က ဗိုလ်မှုးချုပ် စမစ်ဒွန်း (ဒုတိယ ကမ္ဘာစစ်အတွင်းက ဗိုလ်မှုးကြီး လေးပေလို့ နာမည်ကြီးခဲ့တဲ့ နောက် ဗမာ့တပ်မတော်ရဲ့ ပထမဆုံး ကာကွယ်ရေးဦးစီးချုပ် ဖြစ်ခဲ့တဲ့ သူ)၊ ဗိုလ်မှုးကြီး စောကြာဒိုး (အင်္ဂလန် ဆင်းဟဒ် စစ်တက္ကသိုလ် ဆင်း) တို့လို ဝါရင့် ကရင် စစ်ဗိုလ်ကြီးတွေ ရှိခဲ့တဲ့အတွက် ဗိုလ် နေဝင်းဟာ သူရဲ့ စစ်တပ် ရာထူးတက်ရေး ရည်မှန်းချက် အလှမ်းဝေးနေဆဲဖြစ်ကြောင်းကို ကောင်း ကောင်းသိခဲ့တယ်။ အောင်ဆန်း- အက်တလီ စာချုပ်၊ နု- အက်တလီ စာချုပ်၊ လင်္ကျာ- ဖရီးမင်း၊ အစ ရှိတဲ့ သမိုင်းမှတ်တိုင်တွေသာရှိတဲ့ ဗမာ့ လွတ်လပ်ရေးနဲ့ ဗမာ့တပ်မတော် သမိုင်းမှာ သူဟာ ညစ်ပတ် တဲ့ ဖြတ်လမ်းနည်းမှ မသုံးရင် ထိပ်ဆုံးမရောက်ဘူးဆိုတာကိုလည်း ဗိုလ်နေဝင်း ကောင်းကောင်း သိခဲ့တယ်။

ဗိုလ်နေဝင်းဟာ အထက်မှာ ဆိုသလို ရာထူးကြောင့်ရယ်၊ နိုင်ငံရေးအရ အစစ အရာရာ သူ့ ထက်သာတဲ့ ဗိုလ်ချုပ်အပါအဝင် သူ့အထက်က သူအားလုံးကို မလိုမုန်းတီမှု ရှိခဲ့တယ်။ ဗိုလ်ချုပ် အပေါ်မှာဆို ပုဂ္ဂိုလ်ရေး မုန်းတီးမှုပါ ရှိခဲ့တယ်လို့ ဆိုကောင်းဆိုနိုင်တယ်။

အကြောင်းက ဗိုလ်နေဝင်းဟာ ဂျပန်ခေတ် စစ်ရုံး (ပျဉ်းမနား) မှာ တာဝန် ထမ်းဆောင်နေရင်း နဲ့ သူ့အကျင့် အတိုင်း တပ်ထဲမှာ မိန်းမပျက်၊ မိန်းမရွှင်၊ မိန်းမကောင်း မျိုးစုံနဲ့ ဇိမ်ခန်း သဖွယ် ပျော်ပါး လေ့ရှိတယ်။ တဖြည်းဖြည်းနဲ့ အဲ့အကြောင်းက ဗိုလ်ချုပ်နား ရောက်သွားတယ်။ အဲ့အချိန်လောက်မှာပဲ ဗိုလ်နေဝင်းက ပျဉ်းမနားမှာ မိန်းမကောင်း တစ်ယောက်ကို ကျူးလွန်တဲ့ အဓမ္မ မုဒိမ်းကျင့်မှု ဖြစ်တယ် လို့ဆိုတယ်။ အဲ့တော့ ဗိုလ်ချုပ်က အင်မတန် စိတ်ဆိုးသွားပြီး ဒေါသ ထွက်ထွက်နဲ့ တပ်ကို စစ်ရင်း ဗိုလ်နေဝင်းကို လူလယ်ကောင်မှာ ပါးရိုက် ဆုံးမခဲ့တယ်လို့ အဆိုရှိတယ်။

[အဲ့အဖြစ်အပျက်လို့ မှန်းဆနိုင်တဲ့ ဗိုလ်ချုပ်နဲ့ ဗိုလ်နေဝင်း တွဲလျက် ရှားပါး ဓာတ်ပုံ၊ ဗိုလ်ချုပ်က သုန်မှုန်နေတဲ့ ရုပ်နဲ့၊ ဗိုလ်နေဝင်းက သတိ ဆွဲထားတဲ့ အနေနဲ့ ပုံ ရှိခဲ့တယ်..။]

အဲ့ဒီ (အတည်မပြုနိုင်တဲ့) အဖြစ်အပျက်ကို ဗိုလ်နေဝင်းက အင်မတန် အငြိုးတကြီး ရှိခဲ့တယ်။ အရှက်ရခဲ့တယ်လို့ ယူဆရတယ်။

တခါက ဗိုလ်နေဝင်း သမီးတယောက်က ဒေါ်စုနဲ့ စကား အချီအချ ဖြစ်တော့ “ဦးစောကို သေ နတ်တွေ ပေးလိုက်တာ ငါ့အဖေဟဲ့” လို့ ပြောဖူးကြောင်း ဆက်စပ်တဲ့ ကောလဟလဆန်ဆန် အတွင်း ဇာတ်လမ်းတွေလည်း ရှိခဲ့တယ်။

ပျဉ်းမနား အဖြစ်အပျက်က အတည်မပြုနိုင်ပေမယ့် ဂျပန်ခေတ်တလျှောက်လုံး ဗိုလ်နေဝင်း အဲ့မှာ အဲ့လို ဖာတသိုက်နဲ့ ပျော်ပျော်ပါးပါး နေခဲ့တာကတော့ အမှန်ပဲ ဖြစ်တယ်..။ အခြား ဆက်စပ်တဲ့ မိန်းမ ဇာတ်လမ်းတွေလည်း အများကြီး ရှိခဲ့တယ်..။

[ သူနောက်ပိုင်း အာဏာရတဲ့အချိန် စနာမည်ကြီးလာတဲ့ မင်းသမီးတယောက်ကို တော် ကောက်ဖို့ ကြံရွယ်တဲ့ ကိစ္စ မဖြစ်မြောက်ခဲ့တာက အဲ့မင်းသမီးဟာ သူ့ရဲ့ ဂျပန်ခေတ် ပျဉ်းမနား ဇာတ် လမ်းရှုပ်တခုနဲ့ ဆက်စပ်ပြီး သူ့သမီးအရင်း ဖြစ်နိုင်ကြောင်း ထောက်လှမ်းရေးက စုံစမ်း တင်ပြတဲ့ အတွက်လို့လည်း လူပြောများခဲ့ဖူးတယ်။ ဘယ်သူလဲဆိုတာတော့၊ ကောလဟလ သတင်းဖြစ်တာ ရယ်၊ အားလုံးလည်း သိကောင်း သိနိုင်မှာဖြစ်တဲ့ အပြင် ကာကယံရှင်လည်း သက်ရှိ ထင်ရှားရှိနေ တော့ နာမည် မရေးတော့ပါ။ ဗမာပြည် အာဏာရှင် စနစ် ခေတ်တလျှောက်လုံး သတင်းမှန်တွေဟာ ကောလဟလ အနေနဲ့ ထွက်ခဲ့တယ်ဆိုလည်း သတိပြုရပါမယ်..။]

ပုဂ္ဂိုလ်ရေး အငြိုး ရှိရှိ / မရှိရှိ အထက်မှာ ဆိုခဲ့သလို ဗိုလ်နေဝင်းဟာ နိုင်ငံရေးနဲ့ ရာထူး ရည် မှန်းချက်တွေကြောင့် ဗိုလ်ချုပ်ကို ဖြုတ်ချင်တယ်ဆိုတာတော့ ထင်ရှားတယ်။ ဒါကြောင့် ဗိုလ်ချုပ်တို့ လုပ်ကြံခံရမှုကို လမ်းဖွင့်ပေးခဲ့သလားဆိုတာဟာ ထည့်သွင်းစဉ်းစား သုံးသပ်ရမယ့် သမိုင်းအချက် ဖြစ်တယ်။

ဦးစောနဲ့ ကြံရာပါဟာ ဗိုလ်နေဝင်း ဖြစ်ဟန်ရှိလို့ သဲလွန်စလိုက်ရှာတဲ့ ဦးတင်ထွဋ်နဲ့ ဦးထွန်းလှ အောင် တို့ကိုလည်း ဗိုလ်နေဝင်းက အမြဲ သတိထားခဲ့တယ်။ ဦးတင်ထွဋ်ဆိုရင် ဗုံးခွဲလုပ်ကြံ ခံခဲ့ရ တယ်။ ဗိုလ်နေဝင်းက တခါတုန်းက ဗမာ့ခေတ် ဦးအုန်းခင်ကို “ကိုအုန်းခင် တင်ထွဋ်ကို သတ်တာ ဘယ်သူလဲဆိုတာ သိရဲ့လားလို့” ဆိုပြီး စသလို နောက်သလို ပြောရင်း ခြိမ်းခြောက်ဖူးတယ်လို့ ကြေးမုံ ဦးသောင်းက အတိအလင်း ရေးဖူးတယ်။

ဒါကတော့ မနေ့က အာဇာနည်နေ့နဲ့ ဆက်စပ်ပြီး နောက်ခံ သမိုင်းအချက်တချို့ကို  လက်လှမ်း မမီတဲ့ လူငယ်တွေသိစေဖို့ ရောက်တတ်ရာရာ ရေးခြင်းဖြစ်ပါတယ်။ ဘယ်သူ့အပေါ်မှ ပုဂ္ဂိုလ်ရေး ထိ ခိုက်နစ်နာစေလိုချင်စိတ် မရှိပါ။ နောင် အလျင်းသင့်ရင် ဆက်စပ်တဲ့ အကြောင်းတွေကို အခြား အထောက်အထား ခိုင်ခိုင်လုံလုံနဲ့ ဆောင်းပါး ပုံစံ ဖြစ်အောင် ရေးပါဦမယ်။

ငြိမ်းချမ်းအေး

၂၀ ၊ ဇူလိုင် ၊ ၂၀၁၂

(မှတ်ချက် - ခု အထက်မှာ ရေးတဲ့ အထဲမှာလည်း ပျဉ်းမနား မုဒိမ်းမှုနဲ့ ဆက်စပ်တဲ့ကိစ္စ ကလွဲလို့ အားလုံးဟာ အထောက်အထား ရှိပါတယ်။)

(ယခုဖော်ပြပါအကြောင်းအရာများအား http://kyawhtetwin.blogspot.com/2013/08/blog-post_6798.html မှကူးယူဖော်ပြခြင်းဖြစ်သည်)